wo ma’ ebbes d’rmit ausdrucka ka, was ma‘ net so ganz direkt saga will, ab’r jed’r woiß, was g’moint isch. An Hand vom a’ Lebenslauf will i’ jetzt des darlega. Nau wissant’r was ebbes isch oder au net.

Wias halt so lauft em Leaba

Dau warant zwoi, dia hant se ebbes gfalla

Dann hant se beschlossa, ebbes richtigs draus zum macha

Dann hant’s ebbes mitanander g’hött, nach oder au vor d’r Hochzeit

Dann isch ebbes Kloins komma

Und hant se nomal ebbes ghött, dann isch halt nomal oins komma ond vielleicht nomal ebbes oder au mehr

Des Kloine hat ebbes zum Essa braucht, ond au ebbes zum einschläfa,

es hat au am Anfang ebbes in Hosa gmacht

des hat manchmal ebbes arg gstonka ond auch weniger

wenns dann älter wora isch, wars ebbes frecher oder hat ebbes angstellt

dann hats au ebbes auf da Arsch naufkriagt

schließlich hats ebbes für d’ Schual braucht,

en dr Schual hats au laufend ebbes gea

hats ebbes Guats hoibraucht, dann hant sich de Eltern scho ebbes gfreit

hats dann aber ebbes weniger Guats hoibraucht oder gar ebbes Schlechts

dann war aber drhoit ebbes los

Wias dann fertig war mitr Schul, hats ebbes lerna derfa

Wars aber gscheiter, hats ebbes längr auf d’ Schual ganga derfa

Dann hats au ds Abitur macha derfa, und ebbes studiera derfa

Am Schluß hats gugga miassa. dass ebbes verdeant

Und dann hat des Kendle au no ebbes kenna glearnt.

Ond dia hant ebbes mitanander ghött

Und so weiter und so fort

Mit dem „ebbes“ lassen sich allerhand andere Abhandlungen konstruieren